Jip, in my gedeelte van die wêreld is vandag ‘n openbare vakansiedag. Moenie vra wat hulle vier nie, al wat ek weet is dat ek nie hoef te werk nie. Die hele naweek niks gedoen nie. Gister het ek vir die eerste keer in baie maande ‘n “Sunday Lunch” gemaak. Drie moerse duur lams tjops en braai aartappels en nodige. Moerse duur, want ek kan net R120 een keer in ses maande betaal vir tjops. Seker net Netjane in Swede wat gaan duurder betaal vir tjops. Darem die tjops so bietjie op getooi met basil, olyfolie en mint. Toe maar die bottel Pinot Grigio aan gespreek en deel van die geselskap gemaak. Wie kan dan nou die wyn mis as Emil dan so kunstig raak oor die druif se sappies. Was darem produktief ook gewees. Rekenaar so “clean install” gegee en nou werk hy darem weer soos nuwe.

Vandag het ek myself ingeskryf as “online student” vir my Web Design kursus, gelukkig begin dit eers in September wanneer ek in Suid Afrika is vir vakansie. Weet nie of ek moet bly wees of nie. Ek moet ongelukkig bely dat ek nogal ‘n groot Abba aanhanger is, binne perke sal ek byvoeg. So die naweek het ek ‘n twee uur lange biografie gekyk op televisie oor Abba en alles wat hulle bereik het. Abba en “mirror balls” en disko gaan darem net hand aan hand. So ek sluit my lang naweek af met Abba.